ഇലകൾ

ഇലകൾ ചിലത്...
മരത്തിന്റെ ചേതനയെ പ്രണയിച്ചവരാണ്.
ഒരു ഗ്രീഷ്മത്തിൽ ഞെട്ടറ്റ്..
കാലടികളിൽ,പുനർജനികാത്ത് അവ പട്ടുകിടക്കും.
പിന്നെ , വർഷ കണങ്ങളിൽ തൊട്ടുണർന്ന് കുതിർന്ന്
മണ്ണിൽ അലിഞ്ഞു ചേരും.
വേർപാടിന്റെ തപ്താശ്രുക്കൾ തേടി
ദിശതെറ്റിയലഞ്ഞ വേരുകളുടെ കവാടങ്ങളിൽ
കൈകൂപ്പിനിന്നവർ സായൂജ്യമടയും.

ആത്മാവിനോടാവർ മന്ത്രിക്കും ..

കാലാതിവർത്തിയായി നിന്നെ പ്രണയിക്കാൻ
സിരകളിലൂടെപടർന്ന് ശിഖരങ്ങളിൽ ഞാൻ തളിർക്കാറായി...